مكرونه هندى بالخضروات والفراخ

مكرونه هندى بالخضروات والفراخ

ان شاء الله هنعمل وجبه مكرونه على الطريقه الهنديه بالخضروات والفراخ

غذاء متكامل وسريع فى 10 دقائق ومعظم مكوناته متوفره فى كل بيت

المقادير

مكرونه مسلوقه

2 صدور فراخ مكعبات

بصله متوسطه

2 فص توم كبير مفروم

2 فلفل اخضر

2 جزر

كرنب

1/4 كوب كاتشب

صلصه

2 معلقه كبيره صويا صوص

2 معلقه كبيره خل

2 معلقه كبيره عصير ليمون

كوب ماء

معلقه كبيره هوت صوص

1/2 معلقه صغيره جنزبيل بودر

1/2 معلقه صغيره بابريكا

رشه قرفه

ملح

الطريقه
نسخن قليل من الزيت فى طاسه ونشوح فيها الفراخ تشويحه خفيفه
ونرفعها من الطاسه فى الزيت المتبقى ننزل البصل وندبله ثم نضيف الثوم وافلفل الاخضر والجزر والكاتشب والصلصه والهوت صوص والصويا صوص والخل والكرنب والليمون وكل التوابل والماء وتغطى وتترك 10 دقائق
نضيف الفراخ والمكرونه وتقلب وتقدم فى طبق بايركس